معارضة للشاعر أحمد فؤاد نجم
دي قصيدة البتاع تأليف أحمد فؤاد نجم(إنزل تحت عشان تشوف الرد!)
( البتــــــــاع )
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
ده ردشخص ما عليها
(البتاع التانــــــــي)
يالي كتبت البتاع
البتاع مات مقتول
نسيت تقول ع البتاع
باع البلد بالطول
حتى فلوس البتاع
إتحطت في كرش الغول
ياريت كان فضل بتاع
جاهل غبي مخبول
على إنه يكون بتاع
بارد مهما تقول
دي الميه فيها بتاع
ومفيش في البلد محصول
والناس تموت ببتاع
وناس تموت بذهول
وغليت أسعار البتاع
والشعب نام مسطول
فتح مليون بتاع
خرابهم ملوش حلول
عايز يمَسِك البتاع
عيل على السرير مبلول
زعلان لِفَتح بتاع؟!
والهبل ماسكين طبول
من كتر ما شفت بتاع
خلاص هموت مشلول
ومن كتر ما عملنا بتاع
الناس جالها خمول
هيشيل دعم البتاع
ومش هنلاقي الفول
ده معين جيش للبتاع
فاكر هيعيش على طول!
ملحوظة مهمة: القصيدة الأخيرة من تأليف شخص ما فمن فضلك لا تنقلها إلا بإذن منه أو بذكر من كتبها, وشكرا
